Хаартыска: iz.ru
Арассыыйаҕа Госавтоинспекция (ГИБДД) күнэ сыл ахсын от ыйын 3 күнүгэр 16-с сылын бэлиэтэнэр. Бу идэлээх бырааһынньык устуоруйаҕа суруллубутунан, 1936 сыл от ыйын 3 күнүгэр ССРС ИДьМ иһинэн судаарыстыбаннай автомобильнай инспекция бигэргэммит күнүттэн бэлиэтэнэр.
Ол саҕана суол быраабылата аҕыйах пууннардаах буолан, постовойдар суолга сатыы дьон сыарҕалаах аттаах айанньыттарга, тиэйээччилэргэ уонна массыыналарга суолу туораан биэрэллэрин, суол быраабылатын тутуһалларын кэтииллэрэ. 1961 сылтан ГИБДД үлэһиттэрэ дойдуга бүттүүнүгэр суол быраабылатын тутуһууну ситиһиигэ бэриниилээхтэрин көрдөрөллөр.
Санаттахха, ГИБДД-ны Арассыыйаҕа Госавтоинспекция диэн урукку аатыгар көһөрбүттэрэ. Бу туһунан быһаарыы федеральнай сокуон таһымыгар бигэргэммитэ. Быһаарыы ылыллыбытын туһунан бу сыл ыам ыйын 28 күнүгэр ИДьМ иһинэн уопсастыбаннай Сэбиэтин Президиумун мунньаҕар Арассыыйатааҕы ИДьМ начаалынньыга Михаил Черников «Известия» ханаалга иһитиннэрбитэ.
Госавтоинспекция (ГИБДД) үлэһиттэрин идэлээх бырааһынньыккытынан эҕэрдэлиибит! Эһиэхэ улахан эппиэтинэс сүктэриллэр. Дьон харыстабыллаах уонна сиэрдээх быһыылаах-майгылаах буоларын туһугар күннэтэ туруулаһаҕыт. Бу барыта тулуурдаах, ураты болҕомтолоох, үлэҕэ бэриниилээх буолары ирдиир. Эһиэхэ баҕарабыт эйэлээх суолу, саҥа сулустары уонна погоннарга бэлиэлэри, доруобуйаны уонна дьолу!
ГИБДД аббревиатура 1998 сыллаахтан киирбитэ. Бу иннинэ ГАИ диэн аббревиатура туһаныллара. ГАИ 1936 сыллаахха ССРС Сэбиэскэй норкуомун быһаарыытынан тэриллибитэ. Дойду Бэрэсидьиэнин Ыйааҕынан 2002 с. от ыйын 2 күнүнээҕи 679 №-дээх быһаарыытынан кылгастык «Госавтоинспекция» диэн аббревиатура киллэриллибитэ.
Бэҕэһээ, алтынньы 5 күнүгэр, Хаҥалас улууһун Күөрдэм сэлиэнньэтигэр 16 саастаах оҕо доҕорун -- 14 саастаах…
Дьулус бүгүн тренажернайга эрчиллэн эрдэ бүттэ. Тахсаары туран тымныы уунан сууммут буолан, этэ-сиинэ хаһааҥҥытааҕар да…
Ааспыт кыһын тохсунньуга, томороон тымныы түһэн турдаҕына «Өймөкөөн – Тымныы полюһа” бырайыакка таһырдьа уһуну сүүрүүгэ…
Оһуокай өрөспүүбүлүкэтээҕи уопсастыбатыгар ураты куоластаах, тыллаах-өстөөх, тойуктаах үҥкүү тылын этээччилэр бааллар. Ол курдук, Күөх Ньурбаттан…
Харчы олоххо тирэҕи биэрэр, сарсыҥҥы күҥҥэ эрэли үөскэтэр. Биһиги сатаан суоттанар, аттарынар буоллахпытына, оҕобутун харчыны…
Бэҕэһээ, алтынньы 5 күнүгэр, Алдан уонна Ленинскэй икки ардыгар суол саахалыгар пассажир дьахтар эчэйбитин туһунан…