Бүгүн хаар, күүстээх тыал түһэрэ күүтүллэр

Бүгүн, сэтинньи 26 күнүгэр, өрөспүүбүлүкэ хотугулуу-илин өттүттэн ураты, баһыйар үгүс оройуоннарга хаар түһүөҕэ.

Анаабырга, Булуҥҥа сорох сиринэн сөкүүндэҕэ  25-30 м., муора кытылынан 35-38 м., Усуйаанаҕа, Аллайыахаҕа, Аллараа Халымаҕа, Өлөөҥҥө, Мииринэй хоту өттүгэр 15-20 м., Эдьигээҥҥэ  18-23 м. түргэннээх тыал, буурҕа түһэрэ күүтүллэр.

Салгын температурата күнүс  -23-28°С, хотугулуу-илин  -30-35°С, хотоол сирдэргэ -35-40°С, соҕуруу, арҕаа -19-24°С кыраадыс тымныы буолара сабаҕаланар.