Бүгүн хаардыыр, буурҕа түһэр, тибиилээх

Саха сиригэр бүгүн, олунньу 21 күнүгэр, үгүс оройуоннарынан хаардыыр, хоту улуустарга тибиилээх, буурҕа түһэр, күнүс киин улуустарынан -8…-13° кыраадыс буолуо.

Өрөспүүбүлүкэҕэ хотугулуу-арҕаа, Өлүөнэ алын тардыытынан, түүн соҕуруу, соҕуруулуу-арҕаа, күнүс арҕаа хаардыыр. Арҕаа улуустарынан, хоту сөкүүндэҕэ 8-13 м. түргэннээх күүстээх тыаллаах, тибиилээх. Арктика, Булуҥ улуустарынан сөкүүндэҕэ  16-21 м. диэри күүстээх тыаллаах, буурҕа түһэр.

Салгын температурата түүн -26…-31°, хоту -33…-38°, хотугулуу-илин -40…-45°, соҕуруулуу-арҕаа, арҕаа -17…-22° кыраадыс тымныы. Күнүс салгын температурата -19…-24°, Өймөкөөн улууһугар -25…-30°, хотугулуу-илин -30…-35°, соҕуруу -13…-18°, соҕуруулуу-арҕаа -8…-13°.

Дьокуускайга түүн -28…-30°, күнүс -18…-20° кыраадыс тымныы, сөҥүүтэ суох, соҕуруулуу-арҕаа сөкүүндэҕэ 2-7 м. түргэннээх тыаллаах.