Бүгүн ханнык күрэхтэһиилэр буолалларый?

Чэппиэргэ, бэс ыйын 27 күнүгэр, киин куоракка «Азия оҕолоро» норуоттар икки ардыларынааҕы спортивнай оонньууларга ханнык көрүҥнэргэ күрэхтэһиилэр буолуохтарай?

Баскетболга, уус-уран гимнастикаҕа, мини-футболга, тхэквондаҕа, самбоҕа, саахымакка уонна остуол тенниһигэр күрэхтэһиилэр буолуохтара.

• 10:00-16:00 — баскетбол (3х3), Комсомоллар болуоссата – барыллааһын оонньуу;
• 12:00-16:30 — уус уран гимнастика, «Дохсун» успуорт уораҕайа – барыллааһын күрэхтэһии;
• 10:00-15:30 — мини-футбол (футзал), «Кыайыы 50 сыла» успуорт дыбарыаһа – барыллааһын оонньуу;
• 09:00-19:00 тхэквондо, «Эллэй Боотур» муус дыбарыаһа – барыллааһын күрэхтэһии, финал;
• 10:00-14:30 — самбо, «Өрөгөй» успоурка бэлэмнэнии киинэ – барыллааһын күрэхтэһии, финал;
• 10:00-14:00 — саахымат, ХИФУ-КФЕН, барыллааһын күрэхтэһии;
• 10:00-14:00 — остуол тенниһэ, «Сулус» успуорт уораҕайа – барыллааһын күрэхтэһии.

«Азия оҕолоро» норуоттар икки ардыларынааҕы успуорт оонньуулара Дьокуускайга бу сыл бэс ыйын 25 күнүттэн от ыйын 7 күнүгэр диэри ыытыллыахтара.

Арассыыйа Бэрэсидьиэнэ Владимир Путин «Азия оҕолоро»  оонньуулары оҕо-ыччат успуордун эйгэтигэр биир саамай интэриэһинэй уонна ситиһиилээх бырайыагынан ааттаабыта.

Ил Дархан  Айсен Николаев «Азия оҕолоро» норуоттар икки ардыларынааҕы успуорт оонньуулара бу сылга аан дойду үрдүнэн оҕолорго биир улахан күрэхтэһиилэр буолуохтарын уонна саамай үрдүк таһымҥа ыытыллалларын бэлиэтээбитэ.