Бүгүн хоту тибии, буурҕа түһэр, күнүс -3…-8° буолуо

Бүгүн, кулун тутар 14 күнүгэр, Саха сиригэр сөҥүүтэ суох, хоту улуустарынан буурҕа түһэр, күнүс салгын температурата -3…-8° кыраадыс буолуо.

Өрөспүүбүлүкэҕэ үгүс оройуоннарынан сөҥүүтэ суох, хотугулуу-арҕаа, арҕаа кыралаан хаардыыр, күнүс сорох сиринэн хаар түһэр. Арҕаа, соҕуруу тибиилээх, сөкүүндэҕэ 9-14 м. түргэннээх тыаллаах. Эдьигээн улууһугар буурҕа түһэр, сөкүүндэҕэ 15-17 м. түргэннээх күүстээх тыаллаах, Анаабырга, Булуҥҥа сөкүүндэҕэ  19-24 м. диэри түргэннээх буурҕа түһэр.

Салгын температурата түүн -30-35°, хотугулуу-илин -37-42°, арҕаа, соҕуруу -20-25°, күнүс -10-15°, арҕаа -3-8°, хотугулуу-илин -20-25°.