Бүгүн Ийэ уонна  Аҕа күннэрэ бэлиэтэнэллэр

Бүгүн Саха сиригэр Ийэ күнэ уонна  Арассыыйаҕа Аҕа күнэ бэлиэтэнэр. Бу бэлиэ күнүнэн Ил Дархан Айсен Николаев өрөспүүбүлүкэ ийэлэрин, аҕаларын эҕэрдэлээтэ. 

— Бүгүн ураты күн. Биһиги таптал, махтал тылларын төрөппүттэрбитигэр этэбит.  Дьоллоох дьиэ кэргэн — дьоллоох олох тутула. Кэлэр кэнчээри ыччаппытын иитэн таһаарыы, үтүө-мааны дьон оҥоруу улахан үлэттэн тахсар, элбэх сыраны ирдиир. Сахабыт Сирин бука бары төрөппүттэригэр дьолу-соргуну, кытаанах доруобуйаны баҕарабын. Алаһа дьиэҕит үөрүүнэн-көтүүнэн, истиҥ иэйиинэн толору буоллун! — диэн Айсен Николаев МАКС сыһыарыыга эҕэрдэ, махтал тылларын суруйда.