Бүгүн Ил Дархан Айсен Николаев быһа эпииргэ тахсыаҕа

Бүгүн, муус устар 26 күнүгэр, 19.00 чаастан Ил Дархан Айсен Николаев быһа эпииргэ тахсыаҕа.

Быһа эпииргэ Ил Дархан олохтоохтор ыйытыыларыгар хоруйдуоҕа, өрөспүүбүлүкэҕэ дьоһун суолталаах тиэмэлэри ырытыаҕа, Саха сирин сайдыытыгар стратегическай хайысхаларга бэйэтин санаатын үллэстиэҕэ.

Быһа эпиир кэмигэр 36-01-11 нүөмэргэ эрийэн ыйытыылары биэриэххэ сөп.

Быһа эпиир “Саха” НКИХ, «Якутия 24», «Россия 24» ханаалларга көстүөҕэ, «Тэтим», «Радио России», «Виктория Саха», «СТВ-радио» араадьыйаларга иһиллиэҕэ, итиэннэ социальнай ситимнэргэ тэҥинэн көстүөҕэ.

Өрөспүүбүлүкэ олохтоохторуттан www.100yakutia.ru/zadai-vopros-glave саайт нөҥүө уонна “Телеграм” социальнай ситимҥэ  @voprosGlaveYakutii_bot чат-ботка барыта 527 ыйытыы киирдэ. Дьокуускай куорат, Ленскэй, Нерюнгри уонна Алдан оройуоннара көхтөөхтөр.

Чуолаан хаарбах дьиэттэн көһөрүү, суол уонна тырааныспар, нэһилиэнньэни социальнай өйөбүл туһунан ыйытыылар киирдилэр.