Бүгүн — Ил Дархан Айсен Николаев төрөөбүт күнэ

Бүгүн — СӨ Ил Дархана Айсен Николаев төрөөбүт күнэ. Кини 1972 сыллаахха тохсунньу 22 күнүгэр төрөөбүтэ.

Ил Дархаммыт Айсен Николаев Үөһээ Бүлүүгэ учуутал дьиэ кэргэнигэр улааппыта. Үөһээ Бүлүүтээҕи физика-математика хайысхалаах оскуоланы туйгун сыананан бүтэрэн баран, М.В. Ломоносов аатынан Москватааҕы судаарыстыбаннай университет физикаҕа факультетыгар үөрэнэ киирбитэ.

Үлэтин 1994 сылтан “САПИ” үп корпорациятыттан саҕалаабыта.  “Алмаасэргиэнбааҥҥа” бырабылыанньа бэрэссэдээтэлин солбуйааччынан, баан салайааччытынан, Ил Түмэн дьокутаатынан, СӨ Үбүн миниистиринэн, СӨ Бэрэсидьиэнин уонна бырабыыталыстыбатын дьаһалтатын салайааччынан, Бырабыыталыстыба бэрэссэдээтэлин бастакы солбуйааччынан, Дьокуускай куорат баһылыгынан үлэлээбитэ.

2018 сыллаах быыбарга 71,40 бырыһыан куолаһы ылан, СӨ Ил Дарханынан талыллыбыта.

СИА хаартыската.