Бүгүн инчэҕэй хаар түһэр, ардыыр, күнүс +8° кыраадыс буолуо

Бүгүн, муус устар 22 күнүгэр, Саха сиригэр киин улуустарынан, Өлүөнэ өрүс алын тардыытынан инчэҕэй хаар түһэр, ардыыр, күнүс +8° кыраадыс буолуо.

Өрөспүүбүлүкэ хотугулуу-илин улуустарынан сөҥүүтэ суох. Киин, соҕуруу, Өлүөнэ өрүс алын тардыытынан инчэҕэй хаар түһэр, ардыыр. Арҕаа оройуоннарынан, хотугулуу-арҕаа улуустарынан кыралаан хаар түһэр, ардыгар инчэҕэй хаар түһэрэ күүтүллэр. Кыра тыаллаах, соҕуруулуу-илин, арҕаа, Өлүөнэ өрүс алын тардыытынан сөкүүндэҕэ 15-20 м. диэри түргэннээх тыаллаах.

Салгын температурата түүн -4,+1°, хотугулуу-арҕаа -4-9°, халыннаҕына -10-15°, күнүс салгын температурата +3+8°, арҕаа -3,+2,°, хотугулуу-арҕаа 0,-5° кыраадыс тымныы.

Дьокуускайга салгын температурата түүн 0,-2°, күнүс +3+5° кыраадыс сылаас. Түүн, күнүс сөҥүүлээх, соҕуруулуу-илинтэн сөкүүндэҕэ 3-8 м. түргэннээх тыаллаах, түүн сөкүүндэҕэ 8-13 м. түргэннээх күүстээх тыаллаах.