Бүгүн кэккэ оройуоннарга этиҥнээх ардах түһэрэ сабаҕаланар

Бүгүн, от ыйын 11 күнүгэр, кэккэ оройуоннарга этиҥнээх ардах түһэрэ сабаҕаланар. Бу туһунан Cаха сиринээҕи күнү-дьылы кэтээн көрөр сулууспа иһитиннэрэр. 

Ол курдук, Ленскэй, Өлүөхүмэ, Мииринэй, Өлөөн, Эдьигээн уонна Бүлүү бөлөх оройуоннарыгар этиҥнээх ардах түһүөҕэ. Этиҥ кэмигэр тыал сөкүүндэҕэ 15-20 миэтирэ түргэннээх буолуоҕа.

Күнүс Мииринэйгэ, Ленскэйгэ, Өлөөҥҥө уонна Сунтаарга сорох сиринэн дохсун самыыр түһэрэ күүтүллэр.

Дьокуускайга куйаас күн туруоҕа. Күнүс салгын температурата +30… +32°.