Хаартыска -- Лариса Унарова түһэриитэ
Бүгүн киэһэ Амма улууһун Өнньүөһүгэр хойуу хаар түһэ турарын туһунан сонунунан төлөпүөн туолла.
Бу төһө оруннааҕын билсээри Өнньүөскэ төлөпүөнүнэн сибээстэһэ сырыттым. Педагогическай үлэ бэтэрээнэ Лариса Унарова таһырдьа оҕуруотун кытта бодьуустаһа сылдьарыгар түбэстим.
— Бүгүн эбиэттэн киэһэ күүстээх ардах түспүтэ. Онтон эмискэ хаардаан барбыта. Хойуу хаар түһэн, сир маҥхайда.
Өнньүөс — Амма улууһун соҕуруу нэһилиэгэ буолар. Алдан, Уус-Маайа улуустарын кытта сиһинэн быысаһан олоробут.
Өрөспүүбүлүкэ соҕуруу өттүгэр түспүт хаар биһигинэн ааста. Бэрт өрдөөҕүтэ тыа күп-күҕүнэн көрөн турдаҕына хаардаабытын өйдүүбүн.
Тускул «оҕуруоккутун бүрүйүҥ…» диэн батсаабынан сүбэтин соторутааҕыта туппуппут.
Онно сэрэтэринэн, икки-үс күн хаһыҥныыһы быһыылаах. Онон бу оҕуруоппутун бүрүйэр, тэпилииссэ оттор аатыгар сылдьабыт. Түбүк бөҕө. Бу иннинэ тэпилииссэни оттон көрө илик этибит.
Тускул итинник эрдэттэн сэрэтэрэ үчүгэй. Батсаабынан түргэнник тарҕанар буолан, кини сэрэтиитин интэриниэттээҕэр эрдэ билэбит.
Дьэ, сарсын сарсыарда хайдах буолар, тугу көрөбүт… — диэн санаатын үллэһиннэ Лариса Ивановна.
Амма курдук киин улууска хаардыыр буоллаҕына, сайыммыт өссө тугу көрдөрөн соһутар?…
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…
Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…
«Саханефтегазсбыт» АУо 2025 сылга ыраах сытар, сылы эргиччи суола-ииһэ суох, автозаправочнай (АЗС) уонна контейнернай автозаправочнай…
Суруналыыстары кытта көрсүһүүтүгэр киин куорат мээрэ Евгений Григорьев мээрийэ өйөбүлүнэн тахсар "Киин куорат" хаһыат туһунан…