Бүгүн киэһэ күүстээх магнитнай буурҕа түһэрэ күүтүллэр

9 чаас уһуннаах күүстээх буурҕа кулун тутар 5 күнүгэр диэри түһэрэ сабаҕаланар диэн ИКИ РАН уонна ИСЗФ СО РАН Күн астрономиятын лабораториятын саайтыгар иһитиннэрэллэр.

Плазменнай былыт Москва бириэмэтинэн 19.00 чаас саҕана сиргэ кэлиэҕэ. Онон геомагнитнай буурҕалар бүгүн, оптуорунньукка, киэһэ 20-21 чаастан саҕаланар. Буурҕа мөлтөх уонна орто таһымнаах буолара күүтүллэр.

«Буурҕа киэһэ буоларын быһыытынан, түүн полярнай дьүүкэбиллэр көстөллөрө биллэрдик үрдүүр», — диэн Күн астрономиятын лабораториятыгар бэлиэтээтилэр.

Күүстээх магнитнай буурҕа кэмигэр сүрэх-тымыр ыарыылаах дьон дабылыанньалара түһүөн-тахсыан, доруобуйалара мөлтүөн сөп. Онон бу күннэргэ бэйэни кэтэнэн көрөн, ноҕуруускаламмакка сылдьыахха наада. Маны тэҥэ, араадьыйа, сибээс, сир аргыстарын үлэлэригэр харгыстар тахсыахтарын сөп.