Бүгүн киэһэ Ленскэй аннынан Өлүөнэ өрүс мууһа уһунна

Бүгүн, ыам ыйын 13 күнүгэр, киэһэ 19:20 ч. Ленскэй куорат аннынан Өлүөнэ өрүс мууһа уһунна.

Ол туһунан «Ленарегионводхоз» филиалын дириэктэрин солбуйааччы Виктор Борисов иһитиннэрдэ.

Күнү-дьылы кэтээн көрөр сулууспа быйыл Ленскэй аннынан муус орто көрдөрүүттэн икки-үс күн эрдэлээн устуо диэн билгэлээбитэ. Муус үөһээ кырыыта Иркутскай уобалас уонна Саха сирин кыраныыссатыгар, оттон аллара кырыыта Ленскэй куорат аннынан бэлиэтэнэр.