Бүгүн киэһэлик магнитнай буурҕа түһэр

Сэтинньи 24 күнүгэр, бэнидиэнньиккэ, Сир магнитосферата уоскулаҥ. Ол эрээри, геомагнитнай индекс киэһэлик үрдээн барыа. Санатан эттэххэ, учуонайдар Күҥҥэ саҥа эстиилэр бөлөхтөрүн бэлиэтээбиттэрэ.

Сабаҕалааһын быһыытынан, бэнидиэнньиккэ Кр-индекс иккиттэн үс кээмэйгэ диэри эбиллэр. Ол курдук, киэһэлик көрдөрүү кыратык үрдүүрэ күүтүллэр. Күн тыала сөкүүндэҕэ 350-400 миэтэрэҕэ диэри түргэтиир. Тыал күүһэ биэс кээмэйгэ чугаһыа уонна үрдүк таһымҥа туруо.

Бастыҥ психиатр Эдуард Холодов магнитнай буурҕа кэмигэр кимнээх ордук ыарытыйалларын быһаарда: «Магнитнай буурҕа хамсааһыннарын үксүгэр тымырдара уонна ньиэрбэлэрэ сааһыран эбэтэр хроническай ыарыыттан мөлтөөбүт дьон билэллэр. Эт-хаан Күн хас биирдии эстиититтэн мөлтүүр буоллаҕына, соҕотох сөптөөх суол – эминэн буолбакка, ыарыы, дьиҥнээх төрүөтүн көрдүөхтээххин», – диэн эспиэр быһаарда.

Магнитнай буурҕалар кэмнэрин чэпчэкитик аһарар туһугар, эрдэттэн бэлэмнэнии уонна олох укулаатын көннөрөр наадалаах. Күүстээх үлэттэн-хамнастан, ноҕуруускаттан туттунар, ыарахан үлэттэн аккаастанар ордук. Аһылык уонна ууну иһии эрэсимигэр ураты болҕомтону ууруохха наада. Сыалаах уонна бурдук аһы, кэнсиэрбэлэммит астан-үөлтэн аккаастаныҥ, кофены уонна арыгыны иһэри хааччахтааҥ. Ыраас ууну элбэхтик иһиҥ, аһылыккытыгар антиоксиданнарынан, калийынан уонна магнийынан баай астары эбиҥ: күөх оту-маһы, отоннору, балыгы, эриэхэлэри, куурдуллубут отоннору-фрукталары.