Александр Тарасов хаартыската
Бүгүн, от ыйын 4 күнүгэр, киэһэ 8 чаастан Таалай күөл үрдүнэн тардыллыбыт канаат устун Марфа, Сергей Расторгуевтар ааттарынан Судаарыстыбаннай цииркэ артыыһа, канаатынан хаамар эквилибрист хаамыаҕа.
— Канаатынан хаамар эквилибрист уһун ураҕас туппутунан, страховката суох, ууттан уонча миэтэрэ үрдүгүнэн тардыллыбыт канаат устун хаамыаҕа. Бу аһаҕас халлаан анныгар, Дьокуускайга хаһан да буола илик экстремальнай нүөмэр. «На грани фантастики и реальности» диэн ааттаах перфоманс буолар. Ол иннинэ биһиги артыыстарбыт араас нүөмэрдэри көрдөрүөхтэрэ. Эстрада артыыстара Ника, Джида, Виталий Очиров кыттыахтара. Онон дьиэ кэргэнинэн сынньана таарыйа, ураты нүөмэри кэлэн көрөргүтүгэр ыҥырабыт! — диэн Саха цииркэтин дириэктэрэ Сергей Расторгуев кэпсээтэ.
От ыйын саҥатыттан бэлэмнэнэн саҕалаабыттара. Канааты тардан, хаама сылдьарын номнуо хаартыскаҕа түһэрбиттэрэ. Бэҕэһээ туох баар ирдэбиллэри тутуһан, силигин ситэрдилэр. Холобур, ыксаллаах быһыы-майгы министиэристибэтин көҥүлүн ыллылар.
Өскөтүн, артыыс сыыһа туттан, ууга түһэр түгэнигэр, катердаах быыһааччылар баар буолуохтара. Ол эрээри, оннукка тиийиэ суохтара диэн эрэнэбит, тоҕо диэтэр, цииркэ куупалын аннынан, уонунан миэтэрэ үрдүккэ тыһыынчата хаампыт артыыс буоллаҕа. Ол да буоллар, кутталлаах трюк «интригата» хаалар… Саамай сүрүнэ, аһаҕас халлаан анныгар буолан, тыал, ардах мэһэйдээмиэн наада. Бүгүн күүстээх тыаллаах күн үүммүт… Дьэ, хайаһар?
Дьокуускайга Ленин аатынан болуоссакка музыкальнай фонтаны холбоон бэрэбиэркэни ыыттылар. СИА кэрэспэдьиэнэ миэстэтиттэн ураты көстүүнү видеоҕа…
Алтынньы 4 күнүгэр сарсыарда эрдэ ГАИ сулууспатыгар киин куорат Сэргэлээхтиир шоссе 11 км суол быһылаана…
Томпо улууһун Байаҕантай нэһилиэгэр бүгүн олохтоох көҕүлээһиннэри өйүүр бырагырааманан уонна нэһилиэнньэ көмөтүнэн тутуллубут Учуутал искибиэрин…
Дьокуускай куорат полициятын отделыгар икки тутуу хампаанньатын бэрэстэбиитэллэриттэн тутуу былаһааккатыттан уоруу тахсыбытын туһунан сайабылыанньалар киирбиттэр.…
Ил Дархан Айсен Николаев Горнай улууһугар Элбэх функциялаах сынньалаҥ киин тутуутун хаамыытын бэрэбиэркэлээтэ уонна сыл…
Саха сиригэр быйыл кыһын нуорматтан үрдүк салгын температурата турара күүтүллэр. Саха сиринээҕи Гидрометкиин сулууспатыгар кыһыҥҥы…