Хаартыска: РБК.
Муус устар 8 күнүгэр Москва бириэмэтинэн киэһэ 7 чаас 39 мүнүүтэттэн 10 чаас 55 мүнүүтэҕэ диэри Күн «өлөр». 9 чаас ааһыыта 4 мүнүүтэ устата толору сүтэн ылыаҕа.
Ол эрээри, толору сүтэрин Хотугу Америка, Канада, Мексика уонна Чуумпу, Атлантическай акыйааннар арыыларын олохтоохторо эрэ көрүөхтэрэ диэн Москватааҕы планетарий иһитиннэрэр.
Арассыыйаҕа көстүө суоҕа, тоҕо диэтэр, бу кэмҥэ биһиэхэ киэһэ уонна түүн буолар. Ол да буоллар, наһаа баҕарар дьон интэриниэтинэн быһа эпиири булан көрүөхтэрин сөп.
Күн уонна Ый сыл аҥаара буола-буола, икки нэдиэлэнэн быысаһан «өлөллөр». Бу кэмҥэ Күн, Сир, Ый биир эрээккэ кэккэлэһэллэр, ортолоругар Сир турдаҕына, Ый «өлөр», оттон ортоку Ый киирдэҕинэ, Күн «өлөр» (Ый күлүгэ Сиргэ түһэн, Күнү бүөлүүр).
Ол эрээри, толору «өлүү» сэдэх буолар. Ый толору бүөлээтэҕинэ, Күн кытыытынан хоруона курдук сыдьаайыы үөскүүр. Былыр сахалар «бэстилиэнэй тыһыынча» үүннэ диэн, айманан, бүтэһигин аһаан хаалаары, сүөһүлэрин өлөртүү сырыттахтарына, аламай күннэрэ тахсан кэлбитин, улахан үөрүү буолбутун туһунан кэпсэнэр. Ол да иһин үҥэр таҥаралара — Күн «өлөрүн» көрөрү аньыыргыыллар.
Бу халлаан эттиктэрэ чугастык быысаһар кэмнэрин «коридор затмений» диэн ааттыыллар. Быйылгы «көрүдүөр» бу күнүнэн түмүктэнэр. «Көрүдүөр» кэмэ уустук соҕустук ааһар диэн астрологтар куруук этэллэр. Маны тэҥэ, бу муус устар ыйыгар атын планета — Меркурий төттөрү хамсаан («ретроградный Меркурий») эбии уустуктары үөскэтэр үһү. Араас саахаллар, быһылааннар, улахан уларыйыылар, эчэйиилэр, о.д.а. буолуохтарын сөп. Онон сэрэхтээх буолуохха наада.
2024 сылга Күн иккитэ «өлөн» ылыаҕа — муус устар 8 күнүгэр уонна алтынньы 2 күнүгэр.
Сайыҥҥы уһун сынньалаҥнар кэннэ үлэ, үөрэх дьыла саҕаланыыта дьиэ кэргэн бүддьүөтүгэр улахан хамсааһын тахсар. Маныаха…
Өлүөхүмэ улууһугар 44 саастаах эр киһи матасыыкылынан айаннаан иһэн сылгыны кытта харсыспыт. Ол түмүгэр суоппар…
Бүгүн Доҕордоһуу болуоссатыгар куорат 393 сылыгар аналлаах Оһуокай үрдүк таһымнаахтык ыытылынна. [gallery ids="241612,241622,241621,241620,241619,241618,241617,241616,241615,241614,241613,241610,241611"] Оруобуна 1…
Дьокуускай куорат күнүн көрсө мээр Евгений Григорьев суруналыыстары мунньан пресс-конференция ыытта. Тэрээһин быйыл күһүн үлэҕэ…
Ханнык баҕарар норуокка инники сайдыыны быһаарар күүһүнэн дойдуларын туһугар күүскэ, бэриниилээхтик үлэлии сылдьар, сайдыы суолун…
Үөрэх үгүс кыһаларыгар оҕолор икки ардыларыгар араас сыһыан баар буолар. Доҕордоһуу, кэпсэтии, тэрээһиннэргэ кыттыы, ону…