Бүгүн күнүс -5…-10° кыраадыс буолуо

Саха сиригэр бүгүн, кулун тутар 25 күнүгэр, арҕаа, соҕуруу оройуоннарынан хаар түһэр, түүн соҕуруу сорох сиринэн кыралаан хаардыыр. Бу туһунан Саха сиринээҕи УГМС саайта иһитиннэрэр.

Атын улуустарынан сөҥүүтэ суох.  Соҕурууттан кыра тыаллаах, хоту муора кытылынан тибиилээх, сөкүүндэҕэ  9-14 м. түргэннээх тыаллаах.

Салгын температурата түүн -23-28°, арҕаа, соҕуруу -12-17°, хоту -35-40°, күнүс -5-10°, хоту -14-19° кыраадыс тымныы.

Дьокуускайга салгын температурата түүн -24-26°,  күнүс -7-9° кыраадыс, сөҥүүтэ суох, арҕааттан кыра тыаллаах.