Бүгүн күнүс -25°С кыраадыс буолуо

Саха сиригэр бүгүн, олунньу 15 күнүгэр, кыралаан хаардыыр, күнүс хоту күүстээх хаар түһэр. Бу туһунан УГМС саайта иһитиннэрэр.

Арктика кытылынан сөкүүндэҕэ  9-14 м. диэри түргэннээх күүстээх тыаллаах,  сорох сиринэн сөкүүндэҕэ 17-22 м. түргэннээх тыалырыа.

Салгын температурата түүн -25-30°, былыта суох буоллаҕына -32-37°, хотугулуу-илин -35-40°, күнүс -20-25°, хотугулуу-илин-28-33°, соҕуруу, соҕуруулуу-арҕаа, Халымаҕа -13-18° кыраадыс тымныы.

Дьокуускайга салгын температурата түүн -28-30°, күнүс -22-24° кыраадыс тымныы, соҕуруулуу-арҕаатта сөкүүндэҕэ 1-5 м. диэри түргэннээх тыаллаах.