Бүгүн күнүс -40°С диэри тымныйыа

Гидрометеосулууспа уонна тулалыыр эйгэни кэтээн көрүү управлениетын саайтын дааннайдарынан, бүгүн, олунньу 3 күнүгэр, Саха сирин үгүс өттүгэр кыралаан хаардыыр, соҕуруу сорох сирдэринэн орто хаар түһүөҕэ.

Кыра тыаллаах, түүнүн Анаабыр, Булуҥ оройуоннарын кытылларыгар сорох сиринэн тыал  сөкүүндэҕэ 15-17 м. диэри күүһүрүөҕэ, тибии.

Салгын температурата түүнүн -40-45°, арҕаа, хотугулуу-арҕаа, хотугулуу-илин намыһах сирдэргэ -45-50°, Халымаҕа -30-35°, соҕуруу хаар түһэр кэмигэр уонна Арктика кытылыгар -23-28° кыраадыс тымныы.

Күнүс -35-40°, хотугулуу-арҕаа, хотугулуу-илин намыһах сирдэргэ -40-45°, Халымаҕа -25-30°, соҕуруу уонна Арктика кытылыгар -18-23° кыраадыс.

Дьокуускайга түүнүн -37-39°, күнүс -31-33° кыраадыс тыаллаах, хаардыыр, түүнүн уонна сарсыарда туманнаах, тыал хотугулуу-арҕааттан сөкүүндэҕэ 2-5 м. түргэннээх.