Салгыы
Бүгүн — Кыыс оҕо күнэ

Бүгүн — Кыыс оҕо күнэ

25.04.2024, 12:10
Хаартыска СИА
Бөлөххө киир:

Муус устар 25 күнүгэр Арассыыйаҕа Кыыс оҕо күнүн (День дочери)  бэлиэтииллэр. Бу бырааһынньык официальнай буолбатах, чопчу хаһан, хайдах үөскээбитэ эмиэ биллибэт. Ол эрээри, Ийэ, Аҕа, Уол оҕо күннэрэ баар буоллахтарына, Кыыс оҕо күнэ эмиэ баар буолуохтаах.

Кыыс оҕо күнүн олохтооһун сүрүн соруга —  улаатан эрэр кыргыттар кыһалҕаларыгар судаарыстыба уонна уопсастыба болҕомтотун тардыы, кинилэргэ көмөлөһүү, дьиэ кэргэн иһигэр сыһыаны бөҕөргөтүү буолар.

Дьиэ кэргэҥҥэ оҕо төрүүрэ олус үөрүүлээх түгэн. Оттон кыыс оҕо төрөөтөҕүнэ, кини дьиэ кэргэҥҥэ кэрэни, нарыны, истиҥи, сырдыгы, сылааһы, тапталы аҕалар. Кыыс оҕо барахсан айылҕаттан уйан, нарын, кэрэҕэ тардыһыылаах, чахчы да, кини тулалыыр эйгэтин киэргэтэ, тупсара кэлэр.

Дьахтар аан бастаан оҕолонноҕуна, тосту уларыйар. Оттон эр киһи кыыс оҕолонноҕуна, чахчы уларыйар. Кыыс оҕо аҕаҕа дьахтар аймаҕы сыаналыыр, ытыктыыр, таптыыр буоларыгар үөрэтэ кэлэр дииллэр. Онон аҕалар кыргыттарыгар ураты сыһыаннаах буолаллар.

Кыыс оҕону иитии эмиэ уратылаах. Кинини мөҕөн-этэн, таһыйан үөрэппэккэ, кытаанахтык ииппэккэ, майгытын, уйулҕатын эчэппэккэ,  сүрүннээн,  кини кэрэтин, уйанын билинэн, таптаан, маанылаан иитиэххэ наада. Оччоҕо кыыс бэйэтигэр эрэллээх буола улаатар, олоххо тирэхтээх буолар.

Дьиэ кэргэн бырааһынньыктара үксүү турдуннар!

+1
3
+1
0
+1
0
+1
0
+1
0
+1
0
+1
0
Бары сонуннар
Салгыы
15 июня
  • 22°C
  • Ощущается: 22°Влажность: 49% Скорость ветра: 3 м/с

Сообщить об опечатке

Текст, который будет отправлен нашим редакторам: