Хаартыска СИА
Муус устар 25 күнүгэр Арассыыйаҕа Кыыс оҕо күнүн (День дочери) бэлиэтииллэр. Бу бырааһынньык официальнай буолбатах, чопчу хаһан, хайдах үөскээбитэ эмиэ биллибэт. Ол эрээри, Ийэ, Аҕа, Уол оҕо күннэрэ баар буоллахтарына, Кыыс оҕо күнэ эмиэ баар буолуохтаах.
Кыыс оҕо күнүн олохтооһун сүрүн соруга — улаатан эрэр кыргыттар кыһалҕаларыгар судаарыстыба уонна уопсастыба болҕомтотун тардыы, кинилэргэ көмөлөһүү, дьиэ кэргэн иһигэр сыһыаны бөҕөргөтүү буолар.
Дьиэ кэргэҥҥэ оҕо төрүүрэ олус үөрүүлээх түгэн. Оттон кыыс оҕо төрөөтөҕүнэ, кини дьиэ кэргэҥҥэ кэрэни, нарыны, истиҥи, сырдыгы, сылааһы, тапталы аҕалар. Кыыс оҕо барахсан айылҕаттан уйан, нарын, кэрэҕэ тардыһыылаах, чахчы да, кини тулалыыр эйгэтин киэргэтэ, тупсара кэлэр.
Дьахтар аан бастаан оҕолонноҕуна, тосту уларыйар. Оттон эр киһи кыыс оҕолонноҕуна, чахчы уларыйар. Кыыс оҕо аҕаҕа дьахтар аймаҕы сыаналыыр, ытыктыыр, таптыыр буоларыгар үөрэтэ кэлэр дииллэр. Онон аҕалар кыргыттарыгар ураты сыһыаннаах буолаллар.
Кыыс оҕону иитии эмиэ уратылаах. Кинини мөҕөн-этэн, таһыйан үөрэппэккэ, кытаанахтык ииппэккэ, майгытын, уйулҕатын эчэппэккэ, сүрүннээн, кини кэрэтин, уйанын билинэн, таптаан, маанылаан иитиэххэ наада. Оччоҕо кыыс бэйэтигэр эрэллээх буола улаатар, олоххо тирэхтээх буолар.
Дьиэ кэргэн бырааһынньыктара үксүү турдуннар!
Итии оргуйбут ууну куттуҥ да, түргэн лапса бэлэм. Ыксаллаах кэмҥэ, биирдэ эмит амсайарга арай аһыы,…
Композитор, СӨ култууратын үтүөлээх үлэһитэ, Аллараа Халыма улууһун бочуоттаах олохтооҕо Александр Иванович Дмитриев-Таммах бу дьыл…
Киһи күннээҕи олоҕор кыра-кыра истириэһи элбэхтэ көрсүөн сөп. Маҕаһыыҥҥа уочараттан саҕалаан билбэт дьоҥҥун кытта киҥир-хаҥыр…
Араҥаччылыыр аналлаах силиһэ-мутуга дириҥээбит, чэчирии үүнэр Ийэ Хатыҥы санатар Надежда Игоревна дьылҕатыгар биир олус суолталаах…
Куобах аас-туор сылларга дьону хоргуйууттан өрүһүйбүт кыыл буолар. Кини этэ эрэ буолбакка, тириитэ олус сылаас…
Үөһээ Халымаҕа бырабыыталыстыба отчуотун кэмигэр СӨ Ыччат дьыалаларыгар уонна социальнай коммуникацияларга миниистирэ, "Биир ньыгыл Арассыыйа"…