Хаартыска: iStock.
РНА Күн астрономиятын лабораториятын уонна Күн-Сир физикатын институтун (ИСЗФ) сабаҕалааһынынан, оптуорунньукка, алтынньы 7 күнүгэр, күүстээх геомагнитнай хамсааһын буолуоҕа.
G1 таһымнаах магнитнай буурҕа түһэрэ күүтүллэр, бу мөлтөх, ол эрээри күүстээх буурҕанан ааҕыллар. Сабаҕалааһынынан, планетарнай Kp-индекс 5-кэ тиийиэҕэ.
Алтынньы 7 күнүн сарсыардата уонна күнүһэ ортотунан чуумпу буолуоҕа, ол гынан баран киэһэлик балаһыанньа тосту уларыйыаҕа. Киэһэ 18:00 чаас саҕана геомагнитнай хамсааһын эмискэ үрдээн, Kp-индекс чыпчаала 5-кэ тиийиэҕэ. Кылгас кэмнээх уоскуйуу кэнниттэн, сарсыарданан (алтынньы 8 күнэ), хамсааһын эмиэ ити таһымҥа диэри үрдүөҕэ диэн сабаҕалыыллар. Бу буурҕа Күҥҥэ буолар уустук бырассыастар түмүктэринэн буолуоҕа, ол иһигэр корональнай дьөлөҕөстөр уонна күн тыалын түргэн сүүрээннэрин дьайыылара киирэллэр.
Магнитнай буурҕалар күн-дьыл уларыйыытыттан тутулуктаах уонна хроническай ыарыылардаах дьон доруобуйатыгар дьайыахтарын сөп. Ордук элбэхтик маннык сибикилэр көстөллөр: төбө ыарыыта, хаан баттааһынын хамсааһына, сылайыы, кыыһырымтаҕай буолуу уонна утуйар уу кэһиллиитэ.
Буортулаах дьайыыны кыччатар туһугар быраастар уонна исписэлиистэр хас да судургу быраабыланы тутуһарга сүбэлииллэр:
1. Ноҕуруусканы аччатыҥ. Күүстээх физическэй уонна өй үлэтиттэн туттунуҥ.
2. Күннээҕи эрэсиими сааһылааҥ. Этэҥҥэ утуйуҥ, сынньалаҥҥа болҕомто ууруҥ.
3. Аһыыр аскытын көрүнүҥ. Сыалаах, аһыы, туустаах аһы сиэмэҥ. Элбэх ууну иһиҥ, оҕуруот аһын уонна фруктаны сиэҥ.
4. Таһырдьа элбэхтик сылдьыҥ. Ыраас салгыҥҥа сылдьыы доруобуйаҕа туһалаах.
5. Эми-тому бэлэмнэниҥ. Өтөрүнэн ааспат ыарыылардаах, ордук сүрэх-тымыр ыарыыларынан эрэйдэнэр дьон, наадалаах эмтэрин аттыларыгар бэлэмнээн уурунуохтаахтар.
Ил Түмэҥҥэ ыытыллыбыт төгүрүк остуол кыттыылаахтара өрөспүүбүлүкэ бырабыыталыстыбатыгар Российскай Федерация сиригэр-уотугар үлэлиир Баһаары утары эрэсиим…
СӨ Бырабыыталыстыбатын Бэрэссэдээтэлин бастакы солбуйааччы Дьулустан Борисов эрэгийиэннээҕи инвестиционнай килиимэт бырайыагын ырытар мунньаҕы салайан ыытта.…
В.К. Арсеньев аатынан «Уһук Илин» Бүтүн Арассыыйатааҕы литературнай бириэмийэ кыайыылаахтарын биллэрэр уонна наҕараадалыыр үөрүүлээх сиэр-туом…
Быйыл тохсунньу ыйтан ахсынньы 2 күнүгэр диэри Россельхознадзор Амур уобалаһыгар уонна Саха Өрөспүүбүлүкэтигэр управлениетын иниспиэктэрдэрэ…
Бу күннэргэ Волонтер күнүн бэлиэтээн аастыбыт. Онно элбэх волонтерскай хамсааһын үтүө санаалаах, амарах дууһалаах волонтердара…
Арассыыйа Дьоруойа Геннадий Трошев аатынан кадетскай интэринээт-оскуола иитиллээччилэрэ Кириэмил Баалыгар кыттыыны ылыахтара, диэн Мииринэй улууһун…