Бүгүн күүстээх тыал, ардах, хаар түһүөҕэ

Бүгүн, балаҕан ыйын 26 күнүгэр, Дьокуускайга, Горнайга, Хаҥаласка, Намҥа, Мэҥэ Хаҥаласка, Уус Алдаҥҥа, Тааттаҕа, Чурапчыга, Аммаҕа, Ленскэйгэ, Өлүөхүмэҕэ, Томпоҕо, Өймөкөөҥҥө, Усуйаанаҕа арҕааттан 15-20 м. түргэннээх тыал түһүөҕэ.

Кэбээйигэ, Томпоҕо ардыаҕа, сорох сиринэн дохсун ардах түһүөҕэ. Үөһээ Дьааҥыга, Усуйаанаҕа хаардыаҕа.

Салгын температурата күнүс  киин оройуоннарга +8+13°С, соҕуруу +10+15°С, арҕаа, хоту +1+6°С, сорох сиринэн  -4,+1°С кыраадыс буолуоҕа.