Бүгүн магнитнай буурҕа төһө күүстээх буолуой?

Атырдьах ыйын ортотугар геомагнитнай хамсааһыннар улаханнык сытыырхайыахтара.

Күн астрономиятын лабораториятын исписэлиистэрэ буолуон сөптөөх геомагнитнай күүрүүлэр туһунан сэрэтэллэр. Магнитнай буурҕалар уларыйымтыа, дьон доруобуйатыгар ордук куһаҕаннык дьайыахтарын сөп. Айылҕа уларыйыыларыгар ылларымтыа дьон төбөлөрө ыалдьыан, уопсай туруктара мөлтүөн сөп.

Арассыыйа Наукаларын Академиятын Куйаар чинчийиилэрин институтун уонна Күн-Сир физикатын институтун исписэлиистэрэ  атырдьах ыйын 19 күнүгэр  G1 таһымнаах магнитнай буурҕа түһэрин сабаҕалыыллар (бу Kp=5 кээмэйгэ сөп түбэһэр).

Магнитнай буурҕа буолар сабаҕалааһына 66% тэҥнэһэр, онтон мөлтөх күүстээх геомагнитнай күүрүүлэр сабаҕалааһыннара – 30%, магнитосфера чуумпу буолар сабаҕалааһына – баара-суоҕа 4%.

Сабаҕалааһын быһыытынан, геомагнитнай күүрүүлэр сарсыарда 6 чаастан саҕаланыахтара уонна күн ортотугар диэри салҕаныахтара. Киэһэтин 18:00 чаас кэннэ геомагнитнай хамсааһыннар хос күүһүрүллэрэ күүтүллэр.

Атырдьах ыйын 19 күнүгэр сабаҕаланар Ap индекс муҥутаан 25-кэ тэҥнэһиэҕэ, бу аттынааҕы күннэр көрдөрүүлэрин кытта тэҥнээтэххэ, быдан үрдүк.