Бүгүн магнитнай буурҕа түһэр
![](https://sakha-sire.ru/wp-content/uploads/2024/07/5258440456516264372-1060x596.jpg)
Бүгүн, от ыйын 24 күнүгэр, Сиргэ магнитнай буурҕа түһүөҕэ. Бу туһунан РАН Космическай чинчийиилэрин института иһитиннэрэр.
Магнитнай буурҕа Москва бириэмэтинэн, сарсыарда 6.00 чааска түспүт уонна күнүс 15.00 чааска диэри (Саха сиригэр киэһэ 21.00 чааска) уһуоҕа. Буурҕа G2-G3 таһымнаах (бу орто таһымҥа дьүкээбил көстөр, араадьыйа долгунугар мэһэйдэр үөскүүллэр). Тыҥа, ньиэрбэ, сүрэх-тымыр ыарыылаах дьон туруктара мөлтүөн сөп.
Бу нэдиэлэҕэ араадьыйа долгунугар, интэриниэккэ, элэктэриичистибэҕэ харгыстар тахсыахтарын сөп диэн иһитиннэрэллэр. Тоҕо диэтэр, бу иннинээҕи күннэргэ Күҥҥэ хараҥа плазма уһууран тахсыбыт.
«Хараҥа плазма тахсыбыт буоллаҕына, биир суукка иһинэн орто таһымнаах эстиилэр буолаллар, ону тэҥэ, Х кылаастаах эстии буолара 15 бырыһыан сабаҕаланар. Бу үрдүк Х кылаастаах эстии буоллаҕына, араадьыйа сибээһэ арахсар», — диэн НАСА билгэлээбит.
Сообщить об опечатке
Текст, который будет отправлен нашим редакторам: