Бүгүн магнитнай буурҕа түһүө дуо?

Күн ньууругар хамсааһын эмиэ күүһүрбүтэ бэлиэтэнэр. Учуонайдар этэллэринэн, икки нэдиэлэлээх тохтобул кэнниттэн Күҥҥэ кэмиттэн кэмигэр улахан эстиилэр буолаллар. Ол туһунан Космос чинчийиилэрин института уонна СКТ института иһитиннэрдэ.

Сэтинньи 3 күнүгэр түүн, Москва бириэмэтинэн 04:00 чаас саҕана, Күҥҥэ M1.0 таһымнаах эстии буолла. Бу – күн эстиитин аан дойдутааҕы шкалатынан күүстээх таһымҥа киирсэр.

Күн хамсааһын үрдээбитин үрдүнэн, бүгүн, сэтинньи 4 күнүгэр, Сир магнитнай хамсааһына кыра буолуоҕа. Магнитосфера уоскулаҥ туруктаах буолуута 63% сабаҕаланар,  оттон мөлтөх буурҕа түһэрэ – 12%-ҥа тэҥнэһэр. Ол курдук, сэтинньи 4 күнүгэр күүстээх магнитнай буурҕалар түһэллэрэ күүтүллүбэттэр, ол эрээри геомагнитнай хамсааһыннар кылгас кэмҥэ баар буолуохтарын сөп.

Нэдиэлэ ортотуттан, буурҕа түһэрин куттала улаатыаҕа. Магнитнай буурҕалар киһи доруобуйатыгар дьайыахтарын сөп:

• төбө ыарыыта;
• хаан баттааһынын хамсааһына;
• утуктааһын эбэтэр төттөрүтүн утуйбат буолуу;
• кыыһырымтаҕай буолуу, айманыы, долгуйуу;
• сылайыы, болҕомто мөлтөөһүнэ;
• сүрэх-тымыр систиэмэтин хроническай ыарыылара бэргээһинэ.