Бүгүн наука үлэһиттэрин чиэстээтилэр

СӨ Бырабыытылыстыбатын Бэрэссэдээтэлэ Кирилл Бычков Арассыыйа наукатын күнүнэн научнай уопсастыба үөрүүлээх мунньаҕын ыытта.

Суолталаах тэрээһин чэрчитинэн ситиһиилээх үлэһиттэргэ бочуоттаах наҕараадалары туттардылар. Бырабыыталыстыба Бэрэссэдээтэлэ Кирилл Бычков учуонайдар өрөспүүбүлүкэ социальнай-экэнэмиичэскэй сайдыытыгар туһуламмыт дьоһуннаах кылааттарын бэлиэтээтэ.

Кини  М.К. Аммосов аатынан Хотугулуу-Илиҥҥи университет естественнэй наука институтун химия кафедратын   профессора, техническэй наука доктора Айталина Охлопковаҕа  Г.И. Чиряев аатынан Судаарыстыбаннай бириэмийэни туттарда.

Наука уонна техникэ эйгэтигэр үлэлиир эдэр исписэлиистэргэ В.П. Ларионов аатынан Судаарыстыбаннай бириэмийэ, Ил Дархан уонна Бырабыыталыстыба Грамоталара уонна Махтал суруктара, “Гражданскай килбиэн” бэлиэ туттарылынна, наука үтүөлээх диэйэтэлэ бочуоттаах аат иҥэрилиннэ.