Бүгүн Орел куоракка оҕунан ытыыга Арассыыйа Куубага саҕаланна

Бүгүн, тохсунньу 28 күнүгэр, Орел куоракка оҕунан ытыыга Арассыыйа Куубага саҕаланар. Бу — сыл сүрүн күрэхтэһиилэриттэн биирдэстэрэ диэн «Триумф» успуорт киинэ иһитиннэрэр.

Мэтээл иһин Саха сирин сүүмэрдэммит хамаандатын оҕунан ытааччылара күрэстэһэ тиийдилэр. Ытааччылар классическай (прицела суох) көрүҥҥэ киирсиэхтэрэ.

Эр дьоҥҥо — Дьяконов Александр, Андросов Пётр, Замятин Семён, Лукин Семён, Эляков Николай кыттыахтара.

Дьахталларга — Спиридонова Клара, Филиппова Валентина, Гоголева Юлия, Старостина Матрёна киирсиэхтэрэ.

Арассыыйа Куубагыттан быһа эпиирэ «ВКонтакте» социальнай ситимҥэ Арассыыйа Оҕунан ытыыга федерациятын официальнай бөлөҕөр көстүөҕэ.