Бүгүн оскуоланы бүтэрээччилэр түмүктүүр өйтөн (аахпыттан) суруйууну толордулар

Бүгүн Дьокуускай куорат оскуолаларын бүтэрээччилэрэ, атыттары сэргэ, түмүктүүр өйтөн (аахпыттан) суруйууну толордулар.

Бу үлэни ситиһиилээхтик туттарыы – орто уопсай үөрэхтээһин бырагыраамаларынан судаарыстыбаннай түмүктүүр аттестацияҕа киирэргэ биир булгуччулаах усулуобуйа.

Өйтөн (аахпыттан) суруйуу ыытыллар сүрүн күнүгэр, “Дьокуускай куорат” куораттааҕы уокурукка быйыл бүтэрэр 2885 кыттааччы сайаапка ыыппыт, ол иһигэр доруобуйаларынан хааччахтаах 7 үөрэнээччи аахпыттан суруйууга. Барыта 97,4% үөрэнээччи үлэни толорбут.

Өйтөн (аахпыттан) суруйуу эбии түһүмэҕин күннэригэр – 2026 сыл олунньу 4 күнүгэр уонна муус устар 8 күнүгэр зачет ылбатах уонна ытыктанар төрүөтүнэн кэлбэтэхтэр киирэллэр.

Оҕолор үлэлэрин түмүгэ бу сыл ахсынньы 17 күнүттэн хойутааһынан суох бэйэлэрин оскуолаларыгар биллиэҕэ. Түмүк эксээмэҥҥэ киирэргэ көҥүл быһыытынан болдьоҕо суох. Бу туһунан Дьокуускай куораттааҕы үөрэх управлениетын телеграм-ханаалыгар суруйаллар.