Бүгүн — Полиция күнэ

Арассыыйа үрдүнэн Полиция күнэ сылын ахсын сэтинньи 10 күнүгэр бэлиэтэнэр.

Устуоруйаны сэгэтэн көрдөххө, 1917 сыллаахха бу кэмҥэ Арассыыйа Ис дьыалаларга норуодунай комиссариата (НКВД) «Оробуочай милиция туһунан» дэкириэти ылынан, ити докумуон быһыытынан Үлэһит уонна саллаат дьокутааттар Сэбиэттэрин иһинэн үлэһит аймах милициятын олохтууллар. Бу бэлиэ түбэлтэ официальнай таһымҥа РФ Бэрэсидьиэнэ Дмитрий Медведев 2011 сыл алтынньы 13 күнүнээҕи 1348№-дээх Ыйааҕынан “Российскай Федерацияҕа Ис дьыала уорганнарын үлэһиттэрин күнүнэн” бигэргэтиллибитэ.

Олохпут уоскулаҥ, көмүскэллээх буоларын туһугар үлэлиир-хамсыыр Ис дьыала эйгэтин үлэһиттэрин истиҥник эҕэрдэлиибит! Чэгиэн туругу, этэҥҥэ буолууну баҕарабыт!