Ангелина Васильева түһэриитэ
Сэтинньи 22 күнүгэр Арассыыйаҕа Психолог күнэ бэлиэтэнэр. Бу күн 1994 сыллаахха Арассыыйатааҕы психологическай уопсастыба бастакы сийиэһэ үлэтин саҕалаабыта, онон 2000 сылтан бэлиэтэнэр буолбута.
Бу бырааһынньык официальнай буолбатах, ол эрээри, бары психология исписэлиистэрин идэлээх күннэрэ буолар.
Аныгы кэмҥэ психологтар үлэлэрэ, уопсастыбаҕа киллэрэр кылааттара улахан. Кинилэр үөрэҕириигэ, мэдиссиинэҕэ, социальнай эйгэҕэ, быраабы харыстыыр уорганнарга, уо.д.а. үлэлииллэр. Кыһалҕаҕа ылларбыт, санаата түспүт киһиэхэ көмөлөһөр, олоҕун чэпчэтэр сыаллаахтар.
Урут дьон психолог уонна психиатр идэлэрин араарбат, уйулҕа исписэлииһигэр баралларын кыбыстар эбит буоллахтарына, кэнники кэмҥэ хото сылдьар, бииргэ үлэлиир буоллулар.
Бу күннэргэ Дьокуускайга бары хайысхаларынан үлэлиир психологтар түмсэн, улахан пуоруму тэрийдилэр. Пуорум Өрөспүүбүлүкэтээҕи психологическай киин баазатыгар икки күн устата үлэлиир. Улуустартан, куораттартан психологтар түмсэн, тирээн турар кыһалҕалары, биэдэмистибэлэри кытта бииргэ үлэлэһии туһунан кэпсэттилэр, уопуттарын үллэһиннилэр.
Маны тэҥэ, сэтинньи 24 күнүгэр, баскыһыанньаҕа «Смарт» бибилэтиэкэҕэ 30-ча психолог түмсэн, дьоҥҥо буор-босхо маастар-кылаастары, консультациялары, бэсиэдэлэри ыытыахтара. Тэрээһин сарсыарда 11 чаастан саҕаланар, киэһэ 5 чааска диэри ыытыллар.
Уус Алдан улууһун Кэптэнитигэр “Хаарбах туруктаах дьиэттэн көһөрүү" бырагырааманан саҥа таас дьиэ үлэҕэ киирдэ. Бу…
Бүгүн, ахсынньы 17 күнүгэр, өрөспүүбүлүкэ хоту, илин, соҕуруулуу-арҕаа өттүгэр кыралаан хаардыаҕа. Киин, арҕаа улуустарга туманнаах,…
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…