Хаартыска: Андрей Сорокин.
РФ Үөрэҕириитин миниистирэ Сергей Кравцов үлэтин сырыытынан Дьокуускайга кэллэ.
Миниистир Аҕа дойду Улуу сэриитигэр Кыайыы 80 сылын, ыччаты патриотическай тыыҥҥа иитии, тутуу, хапытаалынай өрөмүөн, үөрэх боппуруостарынан Ил Дархан Айсен Николаевы кытта көрүстэ, “Үөрэхтээһин” национальнай бырайыагынан тутуллубут Дьокуускайдааҕы кадеттар оскуолаларыгар, Саха политиэхиньиичэскэй лиссиэйгэ сырытта, “Туймаада саллаата” мемориальнай комплекска сибэкки ууруутугар кытынна.
Миниистир суруналыыстар ыйытыыларыгар хоруйдууругар өрөспүүбүлүкэ көхтөөхтүк сайдарын, чуолаан 2019 сылтан 50-ча оскуола тутуллубутун, сүүстэн тахса өрөмүөннэммитин, патриотическай иитиигэ Саха сирэ үтүө холобурдааҕын бэлиэтээтэ. “Бүгүн Дьокуускайдааҕы кадетскай оскуолаҕа сырыттыбыт. Бу атыттарга холобур буолар, ураты эйгэлээх оскуола, педагогтар дьоһуннаахтык сыһыаннаһаллара биллэр, биһиги кадетскай хамсааһын сайдарын өйүүбүт. Күн бүгүн кадетскай хамсааһын саҥа Кэнсиэпсийэтэ оҥоһулла сылдьар, онно Саха сирин уопута дьоһун миэстэни ыларыгар эрэллээхпит, эрэгийиэн уопутун учуоттуохпут” – диэн эттэ.
Саха сирэ үүнэр көлүөнэни патриотическай тыыҥҥа иитиигэ федеральнай сокуону ылыыны көҕүлээбитэ. Тустаах сокуон федеральнай таһымҥа барытыгар суолталаах диэн ыйаллар.
Ил Дархан: “Үлэнэн иитии, патриотическай иитии улахан суолталааҕын көрөбүт. Министиэристибэ үлэнэн иитии, дуальнай үөрэхтээһин боппуруоһун өйөөбүтүгэр махтанабыт. Бүгүн Сергей Сергеевич патриотичсекай иитиигэ улахан болҕомтотун уурда. Биһиэхэ манна Үөрэх министиэристибэтин, Ыччат дьыалаларын уонна коммуникациялар министиэристибэтин даҕаны быраактыка баар, кэлин олоххо киирэллэр. Уопсай биир сүрүннээһин өйөннө” – диэн эттэ итиэннэ салгыы даҕаны федеральнай таһымҥа боппуруоһу туруоруохтарын, Үөрэҕирии министиэристибэтэ өйүүрүгэр эрэллээҕин биллэрдэ.
Быйылгы Туймаада ыһыаҕар икки күн устата буолбут «Дыгын оонньууларын» дьон-сэргэ күн-дьыл туругун аахсыбакка, Үс Хатыҥҥа…
Уһун кыдааннаах кыһыммыт кэнниттэн күөххэ үктэммиппитин, самаан сайыммыт чэлгийэн кэлбитин уруйдуур уйгулаах ыһыахтарбыт саҕаланнылар эбээт!..…
Бу иннинэ саайтка Г.Н. Васильев “Сыма уонна атын астар” кинигэтиттэн мээкиндэни хайдах бэлэмниир туһунан быһа…
Туймаада ыһыаҕар өрөспүүбүлүкэ улуустара туспа түһүлгэлэнэн, бар дьоннорун үөрэ-көтө көрсөллөр. Дьокуускай куорат Үрүҥ тунах ыһыаҕар…
Өрөспүүбүлүкэбит уопсастыбаннай үһүс саас оскуолата ахсынньы ый 25 күнүгэр 2012 сыллаахха тэриллибитэ. Бэрэсэдээтэлинэн Прядезникова Пелагея…
1999-2000 үөрэх сылыгар Нам улууһугар Аппааныга И.Е. Винокуров аатынан орто оскуолаҕа валеологическай хайысхалаах уолу эр…