Хаартыска: sakha.gov.ru
Ил Дархан Айсен Николаев Саҥа дьыл иннинэ видео-сибээс нөҥүө Чурапчыга, Уус Маайаҕа, Өймөкөөҥҥө, Үөһээ Бүлүүгэ, Ньурбаҕа, Нерюнгрига, Хаҥаласка уонна Дьокуускайга социальнай суолталаах аҕыс эбийиэги арыйда.
«Бүтэһик сыллардааҕы үтүө үгэстэрбитин салҕаан, социальнай суолталаах аҕыс эбийиэги бүгүн тэҥинэн үлэҕэ киллэрдибит. Бу, кырдьык даҕаны, улахан суолталаах тэрээһиннэр, биһиги өрөспүүбүлүкэбитигэр улахан бырааһынньыгынан буолар. Саҥа эбийиэктэр уопсай иэннэрэ 13 тыһ. кв. миэтэрэттэн тахса. Аҕыс эбийиэги тутууга араас источниктартан 2 миллиард солкуобай кэриҥэ көрүлүннэ. Мин ис сүрэхпиттэн саҥа эбийиэктэр тутуллубуттарыттан үөрэбин. Дьон олоҕун хаачыстыбатын үрдэтиигэ улахан кылаатынан буолар», — диэн Ил Дархан Айсен Николаев эттэ.
Чурапчы улууһун Мындаҕаайы сэлиэнньэтигэр 13 кыбартыыралаах, Уус Маайа бөһүөлэгэр 59 кыбартыыралаах олорор дьиэлэр аһылыннылар. Ол аата 70 ыал саҥа дьиэлэннэ.
Дьокуускайга «Звезднай» түөлбэҕэ 7-с №-дээх водоузел үлэҕэ киирэн, бүтүн түөлбэни уунан хааччыйыаҕа.
Нерюнгрига хапытаалынай өрөмүөн кэнниттэн Нерюнгритааҕы киин балыыһа «В» блога аһылынна.
Ньурбатааҕы улуустар икки ардыларынааҕы кырдьаҕастар уонна инбэлииттэр дьиэлэрэ улахан саҥардыллыы кэнниттэн үлэтин саҕалаата.
Үөһээ Бүлүү Андреевскай сэлиэнньэтигэр РФ Бэрэсидьиэнэ көҕүлээбит «Продолжительная и активная жизнь» национальнай бырайыагын иитинэн оҕолорго анаан эмтиир куорпус аһылынна.
Өймөкөөн улууһун Үчүгэй сэлиэнньэтигэр 60 оҕо үөрэнэригэр анаан саҥа оскуола аанын арыйда. Бу «Моя Якутия в XXI веке» үтүө дьыалалар бырагыраамаларынан олоххо киирдэ.
Итиэннэ Хаҥалас улууһун Ой сэлиэнньэтигэр сылы эргиччи үлэлиир тепличнэй комплекс үлэтин саҕалаата. Манна 1040 кв.м. иэннээх сиргэ оҕурсу үүннэриэхтэрэ.
Сиһилии: https://www.sakha.gov.ru/news/17609
Бүгүн, ахсынньы 22 күнүгэр, 13:45 чааска Булуҥ улууһун Бороҕон нэһилиэгин баһылыгын солбуйааччы Биир кэлим диспетчер-дьуһуурунай…
Дьокуускай куоракка тымныы күннэр сатыылаан турар кэмнэригэр сылаас тохтобуллар олус суолталаах буоллулар. Ол курдук, маннык…
Булуҥ улууһугар сүппүт үһүс киһини буллулар диэн Булуҥнааҕы ЕДДС иһитиннэрэр диэн СӨ Быыһыыр сулууспата суруйар.…
Оҕо иммунитетын бөҕөргөтөөрү араас сыаналаах йогуртары талабыт. Күөх экрааҥҥа көстөр араас сыаналаах йогуртар хаһааныллар болдьохторо…
Ил Дархан Айсен Николаев бүгүҥҥү пресс-кэмпириэнсийэтигэр кэнники сылларга тыа хаһаайыстыбата, ордук үүт бородууксуйатын оҥорууга уонна…
Бүгүн Саха Өрөспүүбүлүкэтин доруобуйатын харыстабылын устуоруйатыгар киирэр кэрэ-бэлиэ түгэн үүннэ. Ол эбэтэр Үөһээ Бүлүүгэ оҕо…