Бүгүн – Саха сиригэр Ырыа күнэ

Бүгүн, ыам ыйын 21 күнүгэр,  Саха Өрөспүүбүлүкэтигэр Ырыа күнэ бэлиэтэнэр.  Ырыа күнэ Ил Дархан Айсен Николаев “Саха Өрөспүүбүлүкэтигэр Ырыа күнүн олохтуур туһунан” диэн 2022 сыл ыам ыйын 20 күнүнээҕи Ыйааҕынан тэриллибитэ.

Бүгүн Дьокуускай куоракка уонна өрөспүүбүлүкэ улуустарыгар ырыа бырааһынньыга киэҥ хабааннаахтык ыытыллыаҕа.

15:00 чаастан «Саха» НКИХ ханаалыгар үлэ кэлэктииптэрин уонна «Эйэлээх олоҕу туойуоҕуҥ» патриоттуу ырыа куонкуруһун кыайыылаахтарын кэнсиэрэ көстүөҕэ.

Дьокуускайга Орджоникидзе аатынан болуоссакка киэһэ 18:00-19:30 чаастан Улуу Кыайыы 80 сылыгар анаммыт «Кыайыыга кынаттабыт ырыалар» бырааһынньыктааҕы кэнсиэр буолуоҕа. Ол чэрчитинэн ырыа ускуустубатын уобалаһыгар Ил Дархан бириэмийэтин туттарыы сиэр-туома ыытыллар.

Онтон 19:30 чаастан Орджоникидзе болуоссатыгар «Үрүҥ түүннэр» диэн гитаранан ырыа бэстибээлэ ыытыллыаҕа.