Бүгүн – Саха сиригэр Ырыа күнэ

Бүгүн, ыам ыйын 21 күнүгэр,  Саха Өрөспүүбүлүкэтигэр Ырыа күнэ.  Ырыа күнэ Ил Дархан Айсен Николаев “Саха Өрөспүүбүлүкэтигэр Ырыа күнүн олохтуур туһунан” диэн 2022 сыл ыам ыйын 20 күнүнээҕи Ыйааҕынан тэриллибитэ.

Бүгүн Дьокуускай куоракка уонна өрөспүүбүлүкэ улуустарыгар ырыа бырааһынньыга киэҥ хабааннаахтык ыытыллыаҕа.

12.15 чааска “Саха” Национальнай көрдөрөр-иһитиннэрэр хампаанньа “Эйгэ” биэриитигэр “Ырыа куруһуоктара ” биэрии тахсыаҕа.

15.00 чаастан “Саха” НКиХ айар дьиэ кэргэттэр уонна “Кыайыы нэһилиэнньиктэрэ” патриотическай ырыа өрөспүүбүлүкэтээҕи күрэҕин кыайыылаахтара “Ырыа алыбыгар уйдаран” биэриигэ кыттыахтара.

18.30 чааска П.Ойуунускай аатынан Саха академическай тыйаатырыгар Г.В.Кривошапко аатынан Судаарыстыбаннай филармония сезона сабыллыытыгар аналлаах “Муустаах муора” кэнсиэрт буолуоҕа.

19.00 чааска  куорат олохтоохторо уонна ыалдьыттара Доҕордоһуу болуоссатыгар Саха Өрөспүүбүлүкэтигэр ырыа уонна оһуокай күннэригэр, С.А.Зверев-Кыыл Уола төрөөбүтэ 125 сылыгар аналлаах “Сарсын-сарсын сарсыарда…” бырааһынньыктааҕы улахан кэнсиэркэ мустуохтара.

19.15 мүн. “Саха” Национальнай Көрдөрөрөр-иһитиннэрэр хампаанньа “Олох үөһүгэр” биэриитигэр Ырыа күнүгэр аналлаах “Ырыа тугу биэрэрий, туһата” биэрии тахсыаҕа.

21.00. НКиХ Саха Өрөспүүбүлүкэтигэр ырыа уонна оһуокай күннэригэр, С.А.Зверев-Кыыл Уола төрөөбүтэ 125 сылыгар аналлаах “Сарсын-сарсын сарсыарда” биэриини сэргиэххит.