Хаартыска: СИА
Бүгүн, алтынньы 23 күнүгэр, Саха сирин алмааһы кырыылыыр уонна ювелирнай бырамыысылыннас үлэһиттэрэ идэлээх бырааһынньыктарын бэлиэтииллэр.
Аан бастаан бу бырааһынньык 2009 сыллаахха «Золото Якутии» тэрилтэ көҕүлээһининэн тэриллибитэ. Онтон 2010 сыл муус устар 26 күнүгэр өрөспүүбүлүкэ оччотооҕу Бэрэсидьиэнэ Вячеслав Штыров Ыйааҕынан алмааһы кырыылааччылар уонна ювелирдар идэлээх бырааһынньыктарын алтынньы 23 күнүгэр бэлиэтиир буолбуттара.
Бу күн 1992 сыл алтынньы 23 күнүгэр Сунтаар алмааһы кырыылыыр собуотугар Саха сирин устуоруйатыгар аан бастакы күн тааһа – алмаас кырыыламмыта. 0,546 караттаах алмаастан 0,27 караттаах дьэрэкээн бирилийээн чочуллан тахсыбыта. Ювелирнай уонна алмааһы кырыылыыр бырамыысыланнас үлэһиттэрин күнүн олохтооһун тустаах салаа үлэһиттэригэр ытыктабыл уонна Саха Өрөспүүбүлүкэтин сайдыытыгар ювелир-кырыылыыр салаа дьоһун суолталааҕын билинии буолар.
Бэлиэтээн эттэххэ, Саха сирин сиригэр-уотугар көстүбүт муҥутуур улахан кээмэйдээх (332 караат) алмаас аата – «XXVI съезд» диэн. Бу бөдөҥ алмааһы 1981 сыл тохсунньу 14 күнүгэр симиэнэ маастара Т.Н. Попова таба тайаммыта. Бу алмаас билигин Москуба Кириэмилин Алмаастаах пуондатыгар харалла сытар.
Анал байыаннай дьайыыга сылдьар биир дойдулаахтарбытыгар анаан алтынньы 20 күнүгэр диэри Кэбээйи улууһун дьаһалтата, култуура…
Саха сиригэр тыа хаһаайыстыбатын өйөөһүн кээмэйин 2025 сылга бу сыллааҕы таһымыгар оннунан хаалларыахтара. Бу туһунан…
Ил Түмэн бэрэссэдээтэлэ Алексей Еремеев бүддьүөт социальнай хайысхалаах буоларын бэлиэтээтэ. Саха сирин парламена этэринэн, 2025 сылга…
Ытыктабыллаах Саха сирин олохтоохторо! Күндү ювелирнай уонна алмааһы кырыылыыр бырамыысыланнас үлэһиттэрэ, бэтэрээннэрэ! СӨ салалтатын уонна…
Үөрэх миниистирэ Сергей Кравцов иһитиннэрбитинэн, биэдэмистибэ аны икки сылынан БКЭ иһинэн бэйэ талан ылыыга алтыс…
Бүгүн, алтынньы 23 күнүгэр, Алдан улууһугар алтынньы саҥатыгар сүппүт икки балыксыты көрдүү бөртөлүөт көттө. Бу…