Бүгүн Саха сирин Ис Дьыала уорганнарын бэтэрээннэрин чиэстээтилэр

Муус устар 17 күнүгэр Саха сиринээҕи Ис Дьыала министиэристибэтин кэллиэгийэтин саалатыгар Ис Дьыала уорганнарын бэтэрээннэрин күнүгэр анаммыт үөрүүлээх тэрээһин буолла.

Бу туһунан СӨ ИДьМ пресс-сулууспата иһитиннэрэр. Бэтэрээннэри Саха сиринээҕи Ис Дьыалаҕа миниистирэ, полиция генерал-лейтенана Владимир Прокопенко эҕэрдэлээтэ. Кини Ис Дьыала уорганнарын тиһигэр бэтэрээннэр хамсааһыннара уонна уһуйаан үнүстүүтүн үлэлэрэ ураты хамсааһын буолалларын бэлиэтээтэ.

Тэрээһиҥҥэ Саха Өрөспүүбүлүкэтин Сэрии, үлэ, Сэбилэниилээх күүстэр уонна быраабы араҥаччылыыр уорганнар бэтэрээннэрин (биэнсийэлээхтэрин) уопсастыбаннай тэрилтэлэрин бэрэссэдээтэлэ Вильям Иванов, СӨ быраабы араҥаччылыыр уорганнарын бэтэрээннэрин Сэбиэтин бэрэссэдээтэлэ Эдуард Федоров, Ил Түмэн бэрэсээдээтэлин солбуйааччы Александр Подголов, о.д.а. кыттыыны ыллылар.

Үөрүүлээх бырааһынньыгы «02 сулууспа» ансаамбыл киэргэттэ. Ону кытта бэтэрээннэргэ бочуоттаах наҕараадалары туттардылар.