Хаартыска: дьиэ кэргэн архыыбыттан
Норуот таптыыр ырыаһыта Владимир Татариновы “Нам” түмсүү сэбиэтэ маннык эҕэрдэлиир.
«Бүгүн Нам улууһун бочуоттаах киһитэ,Саха Өрөспүүбүлүкэтин норуодунай артыыһа,Үөдэй нэһилиэгин ытык киһитэ Владимир Семенович Татаринов 80 сааһын томточчу туолбутунан ис сүрэхтэн эҕэрдэлиибит.
52 сыл устата Владимир гитаратын туппутунан, эстрада алыптаах эйгэтигэр чаҕылхай суолун тэптэ. «Иэхэй-чуохай» ансаамбылын кытта аан дойду элбэх сиригэр саха ырыатын дьиэрэттэ.
Владимир Семенович айбыт ырыаларын норуот уоһуттан түһэрбэт. Василий Гольдеров тылларыгар «Умнуллубат онус кылаас» ырыа оскуоланы бүтэрэр оҕолор гииминнэрэ буолан дуорайар.
Убаастабыллаах Владимир Семенович! Чэгиэн буол, айар үлэн күөрэйдин, дьиэ кэргэнин дьоллоох буолун!»
БЫҺААРЫЫ:
Владимир Семенович Татаринов — Саха Өрөспүүбүлүкэтин Эстрада тыйаатырын ырыаһыта, Саха сирин толорооччу-ааптардар сойуустарын чилиэнэ,”Иэхэй-чуохай” кантри-фолк бөлөҕү тэрийээччи.
Саха сиригэр сахалыы гитаранан ырыаны бастакынан киллэрбит киһинэн киэҥник биллэр. Кини – эдэр көлүөнэ артыыстары уһуйааччы. Нам улууһун бочуоттаах гражданина.
Владимир Татаринов 1945 сыл тохсунньу 21 күнүгэр Тулагы-Киллэм нэһилиэгэр төрөөбүтэ. 1974 сыллаахха Л.С.Маслюков аатынан Бүтүн Арассыыйатааҕы эстрада ускуустубатын айар мастарыскыайын бүтэрбитэ. Кини айбыт 70-тан тахса ырыатыттан үксэ боростуой үлэһит киһиэхэ ананар. “Саҥа хаар” ырыата бэйэтин толоруутугар “Мелодия” Бүтүн Сойуустааҕы устуудьуйаҕа уһуллубута.
Норуодунай артыыс сахалыы ырыаны толоруу ускуустубатын Москва, Санкт-Петербург, Сочи уонна омук дойдуларын кэнсиэртиир былаһааккаларыгар элбэхтик билиһиннэрбитэ. “Табык” бэстибээлгэ, Дьокуускайга рок уонна поп-муусука норуоттар икки ардыларынааҕы бэстибээлигэр, сэбиэскэй ырыалар Бүтүн Арассыыйатааҕы бастакы куонкурустарыгар, Италияҕа фольклор бэстибээлигэр, Аляска штатыгар эйэ пуорумугар кыттыбыта. Владимир Семенович — Саха сирин ыччатын бэстибээлин (1965 с.), Ыччат ырыатын өрөспүүбүлүкэтээҕи куонкуруһун (1972 с.), гитаранан ырыа бэстибээлин (1989 с.), Дмитрий Дыдаев хоһоонноругар мелодистар уонна самодеятельнай композитордар өрөспүүбүлүкэтээҕи куонкурустарын (1992 г.) лауреата.
Telegram үлэтэ Арассыыйа бүтүннүүтүгэр хааччахтаныа. Бу туһунан Роскомнадзорга бигэргэттилэр диэн РБК суруйар. «Биһиги ханнык баҕарар…
Швейцария күрэсчиттэрэ биир күҥҥэ икки кыһыл көмүс мэтээли ылан, уопсай көрдөрүүгэ иккис миэстэҕэ таҕыстылар. Италияҕа…
2018-2025 сылларга Саха сиригэр 62 саҥа култуура эбийиэгэ аһылынна, онтон үгүстэрэ “Култуура” национальнай бырайыак иһинэн…
Олунньу 4 күнүгэр патриотическай тыыны иитии ыйын чэрчитинэн, Саха гимназиятыгар 3-10 кылаастарга кэккэнэн хаамыыны уонна…
Мииринэй оройуонугар Бырабыыталыстыба отчуотугар биир аҥаар тыһыынча кэриҥэ киһи кытынна - бу олохтоохтор үрдүк көхтөөхтөрүн…
Дьокуускай куорат киинигэр массыынаны туруоруу төлөбүрдээх буолуо. Бу саҥа уларыйыыны суол быраабылатын мэлдьи кэһэр суоппардары…