Бүгүн Саха сирин сорох улуустарыгар -17 кыраадыс буолара күүтүллэр

Бүгүн, тохсунньу 9 күнүгэр, Саха сирин сорох улуустарыгар -17 кыраадыс буолара күүтүллэр диэн УГМС иһитиннэрэр.

Күүстээх тымныйыы кэнниттэн Саха сиригэр сыыйа күн-дьыл сылыйар. Бүгүн Дьокуускайга күнүс -26…-28 кыраадыс, оттон түүн -33…-35 кыраадыс буолара күүтүллэр.

Өрөспүүбүлүкэ киин улуустарыгар -25…-30, арҕаа -17…-22, хотугулуу-илин, илин -31…-36 кыраадыс буолара сабаҕаланар.

Хоту уонна хотугулуу-арҕаа улуустарга кыралаан хаардыаҕа.

Анаабыр уонна Булуҥ улуустарыгар буурҕа түһэрэ күүтүллэр, сөкүүндэҕэ 19-24 миэтэрэ түргэннээх, түүн сөкүүндэҕэ 21-26 миэтэрэ түргэннээх.