Бүгүн Саха сирин үгүс улуустарыгар хаардыаҕа

Күнү-дьылы кэтээн көрөөччүлэр бүгүн, кулун тутар 27 күнүгэр, Саха сирин үгүс улуустарыгар хаардыаҕа диэн иһитиннэрэллэр. Өрөспүүбүлүкэ арҕаа, киин улуустарыгар сорох сирдэринэн, соҕуруулуу-арҕаа улуустарга инчэҕэй хаар, Томпо улуһугар хаар хойуутук түһэрэ күүтүллэр диэн ЯУГМС иһитининнэрэр.

Ленскэйгэ уонна Өлүөхүмэҕэ сөкүүндэҕэ 15-20 миэтэрэ түргэннээх тыаллаах.

Күнүһүн салгын температурата -2-7 кыраадыс буолуоҕа, соҕуруулуу-илин улуустарга +3…+8 кыраадыс, хотугулуу-арҕаа, хотугулуу-илин улуустарга -12…-17 кыраадыс, хоту улуустарга -20…-25 кыраадыс буолара күүтүллэр.