Бүгүн — Саха төрүт бэчээтин күнэ

2020 сылтан от ыйын 1 күнүгэр, Ил Дархан Айсен Николаев ыйааҕынан Саха төрүт бэчээтин күнэ бэлиэтэнэр.

Бу күн ылбычча анамматаҕа. Ол курдук, от ыйын 1 күнүгэр 1907 сыллаахха сахалыы типография шрибэ оҥоһуллан, “Якутский край” хаһыат иһинэн “Саха дойдута” хаһыат бастакы нүөмэрэ бэчээттэнэн тахсыбыта. Ити курдук сахалыы суруналыыстыка, бэчээт сайдыытыгар бастакы олук ууруллубута.

Бэлиэ күнү судаарыстыбаннай уонна өрөспүүбүлүкэ олохтоох омуктарын тылларын киэҥник тарҕатар, сайыннарар, бэчээт, сонуну киэҥник тарҕатар ситим үлэһиттэрин өйүүр инниттэн биллэриллибитэ.