Бүгүн, сэтинньи 6 күнүгэр, саха биллиилээх лиҥкибииһэ, тыл үөрэҕин хандьыдаата, араадьыйа биэриитин ааптара Михаил Петрович Алексеев-Дапсы төрөөбүт күнэ.
Бу кэрэ-бэлиэ түгэҥҥэ түбэһиннэрэн, Намнааҕы «Отуу уота» литературнай түмсүү чилиэннэрэ Прасковья Байанаева уонна Мария Мохначевская-Марта Мария улуустааҕы араадьыйаҕа бэртээхэй биэриини таһаардылар.
— Сахабыт тыла ыраас, туруктаах буоларыгар элбэх сыратын биэрэ сылдьар киһибит Саха араадьыйатыгар 1992 сылтан ыла «Биһирэм тыл» диэн өрөбүл аайы тахсар биэриилээх. Ийэбит тыла кыараан иһэрин бары билэ-көрө сылдьабыт. Бу маннык сахабыт тылын ыктарыылаах кэмнэригэр тылбытын харааннааччы — Михаил Алексеев-Дапсы. Ол туһугар олоҕун анаабыт күндү киһибитин төрөөбүт алгыстаах күнүнэн итиитик-истиҥник эҕэрдэлиибит», — диэн ыытааччылар биэриилэрин алгыс тыллартан саҕалаатылар.
БЫҺААРЫЫ:
Михаил Петрович 1936 сэтинньи 6 күнүгэр Үөһээ Бүлүү Боотулуутун Оноҕоччут сэлиэнньэтигэр төрөөбүтэ. 1943 сыллаахха кинини Бүлүүгэ оҕо дьиэтигэр ииттэрэ биэрбиттэрэ.
1945 с. Боотулуу 7 кылаастаах оскуолатыгар үөрэнэ киирбитэ. 1954-57 сс. Үөһээ Бүлүү Исидор Барахов аатынан орто оскуолаҕа үөрэммитэ. 1957-62 сс. — СГУ саха тылын салаатын маҥнайгы бүтэрээччи. 1962 сылтан — Хоро 8 кылаастаах, Далыр, Үөһээ Бүлүү орто, киэһээҥҥи оскуолаларын учуутала, хомсомуол кэмитиэтигэр оскуола салаатын сэбиэдиссэйэ. 1965 сыллаахха Тыл, литература, устуоруйа институтугар үлэлээбитэ. 2 сыл Дьокуускай куорат исполкомугар инженердээбитэ. 2 сыл «Эдэр коммунист», 13 сыл «Кыым» хаһыаттарга үлэлээбитэ. 1982 сылтан — ССРС Суруналыыстарын сойууһун чилиэнэ.
Дапсы филология наукатын хандьытаата, РНА үтүөлээх бэтэрээнэ, СӨ култууратын туйгуна, элбэх улахан тылдьыт ааптара.
Мииринэй куорат 60 саастаах олохтооҕо түөрт киһини өлөрөн сууттанна. Бу туһунан СӨ Борокуратуурата иһитиннэрэр. 2023…
Хомсомуол үгүс көлүөнэ ыччакка эдэр саастарын аргыһа буолан, сыллар аастахтарын аайы күндүтүйэн иһэр өйдөбүл. …
— Оҕом Казахстаҥҥа төлөбүрдээх үөрэххэ киирбитэ. Онно нолуок вычетын хайдах төннөрүөххэ сөбүй? Төрөппүт ыйытыытыгар Арассыыйа ФНС…
Сэтинньи 6 күнүгэр үлэ бэтэрээнэ, СӨ култууратын үтүөлээх үлэһитэ, Тыл билимин хандьыдаата, Арассыыйа Бэдэрээссийэтин Билимин…
Норуоттар сомоҕолоһууларын күнүн көрсө, сэтинньи 2 күнүгэр “Арассыыйа – мин устуоруйам” түмэлгэ “Этнография улахан дьыктааныгар”…
Быйылгы кыстыкка Мэҥэ Хаҥалас улууһун “Тарат” кэпэрэтиибэ 64 тиҥэһэни атын хаһаайыстыбалартан атыыласта. Ол курдук, Бүлүүттэн…