Бүгүн сарсыарда киһи өлүүлээх суол быһылаана таҕыста

Бүгүн, балаҕан ыйын 20 күнүгэр, сарсыарда  6 ч. Госавтоинспиэксийэ дьуһуурунай бөлөҕөр Намныыр суол 18 км суол быһылаана тахсыбытын туһунан иһитиннэрии киирбит.

Барыллаан быһаарыллыбытынан, 29 саастаах  «Хонда Фит» суоппара Намныыр суолунан айаннаан иһэн суолтан тахсан түҥнэстибит.

Суол быһылаанын түмүгэр, суоппар суһал көмө кэлиэн иннинэ тыына быстыбыт.

Эр киһи массыынаны ыытар бырааптаах,  суол быраабылатын кэһиигэ административнай эппиэтинэскэ урут тардыллыбатах эбит.

Билигин саахал тахсыбыт төрүөтүн силиэстийэлиир уорганнар быһаараллар https://t.me/ogibdd14 диэн иһитиннэрдэ.