Бүгүн социальнай архитектордар куонкурустарыгар үлэлэри тутуу бүтэһик күнэ

Бүтүн Арасыыйатааҕы социальнай архитектордар куонкурустарыгар үлэлэри тутуу оруобуна түөрт ый ыытылынна. 7506 сайаапка киирдэ диэн СӨ Баһылыгын уонна Бырабыыталыстыбатын пресс-сулууспата иһитиннэрэр.

Куонкуруска нэһилиэнньэҕэ суолталаах бырайыактары олоххо киллэриигэ ситиһиилээх, уопуттаах, араас идэлээх исписэлиистэр кытталлар.

Куонкурус кыайыылаахтарыгар РФ Бэрэсидьиэнин иһинэн  норуот хаһаайыстыбатын иһинэн уонна судаарыстыбаннай сулууспа академиятын «Судаарыстыбананй управление үрдүкү оскуолатын» институтун «Сенеж» АНО «Россия – страна возможностей» баазатыгар сайдыы бырагырааматынан үөрэнэргэ Грант бэриллиэҕэ.

Куонкуруска кыттыан баҕалаахтар анкета толорон уонна эссе суруйан ыытыахтара. Куонкуруска киирэр үлэлэр бүгүн, олунньу 13 күнүгэр 12.00 ч. (мск бириэмэтинэн) диэри сайтка маннык сигэнэн ыытыахтарын сөп: https://социальныеархитекторы.рф

Санатан эттэххэ, 2025 с. 36 уопсастыбаннай миэстэ тупсарыллан тутуллара былааннанар, ол иһигэр 5 куонкурускак кыайбыт бырайыактар, ону таһынан Уһук Илин бырайыак чэрчитинэн 10 тиэргэни тупсарыы.