Бүгүн сорох оройуоннарга этиҥнээх ардах уонна тобурах түһүөҕэ

Бүгүн, от ыйын 5 күнүгэр, кэккэ оройуоннарга этиҥнээх ардах, сорох сиринэн тобурах түһэрэ сабаҕаланар. Бу туһунан Cаха сиринээҕи күнү-дьылы кэтээн көрөр сулууспа иһитиннэрэр. 

Ол курдук, Хаҥалас, Мэҥэ Хаҥалас, Амма, Уус Маайа, Алдан, Нерюнгри, Ленскэй, Өлүөхүмэ, Томпо оройуоннарыгар этиҥнээх ардах уонна сорох сиринэн тобурах түһүөҕэ. Этиҥ кэмигэр тыал сөкүүндэҕэ 15-18 миэтирэ түргэннээх буолуоҕа.

Дьокуускайга куйаас күн туруоҕа. Күнүс салгын температурата +27… +29°.