Бүгүн сорох оройуоннарга күүстээх тыал, инчэҕэй хаар түһүөҕэ

Бүгүн, балаҕан ыйын 18 күнүгэр, Үөһээ Дьааҥы, Өймөкөөн, Өлөөн, Мииринэй, Эдьигээн оройуоннарыгар инчэҕэй хаар түһэрэ күүтүллэр. Ленскэйгэ, Халымаҕа кыралаан ардыаҕа.

Мииринэйгэ, Өлөөҥҥө, Эдьигээҥҥэ, Кэбээйигэ, Булуҥҥа, Анаабырга  16-21 м. түргэннээх тыал түһүөҕэ.

Салгын температурата күнүс  +7+12°С, Халымаҕа +12+17°С, хотугулуу-илин  +3+8°С, хотугулуу-арҕаа  -2,+3°С кыраадыс буолуоҕа.