Бүгүн сорох сиринэн +1+6 кыраадыс сылыйара күүтүллэр

Бүгүн, кулун тутар  4 күнүгэр, Эдьигээн, Кэбээйи  улуустарыгар сорох сиринэн хаар хойуутук түһэрэ итиэннэ сөкүүндэҕэ  17-22 миэтэрэ түргэннээх тыал түһэрэ күүтүллэр.

Өрөспүүбүлүкэ үгүс оройуоннарыгар хаардыаҕа. Ленскэй, Өлүөхүмэ оройуоннарыгар уонна соҕуруу сорох сиринэн инчэҕэй хаар түһүөҕэ.

Анаабырга, Булуҥҥа сөкүүндэҕэ  18-23,  Ленскэйгэ күнүс  15-18 миэтэрэ түргэннээх тыал түһүөҕэ. Температура түүн арҕаа оройуоннарга   -8-13°, киин  -23-28°, илин -35-40°, күнүс -11-16°, арҕаа -3-8°, соҕуруу, соҕуруулуу-арҕаа  +1+6° буолуоҕун сабаҕалыыллар.

Халыма-Индигир оройуоннарыгар  сөҥүү түһэрэ күүтүллүбэт,  температура түүн -38-43°, хотоол сирдэргэ  -49-54°, күнүс -23-28° буолуоҕун Дьокуускайдааҕы УГМС билгэлиир.