Бүгүн сорох сиринэн -10-15°C кыраадыс тымныы буолуоҕа

Бүгүн, тохсунньу 20 күнүгэр, өрөспүүбүлүкэ хотугулуу-илин өттүгэр сөҥүү түһэрэ күүтүллүбэт.  Мантан атын оройуоннарга, арҕаа, Өлүөнэ аллараа тардыытынан, киин өттүгэр хаар түһүөҕэ.  

Арҕаа, соҕуруу сорох сиринэн  9-14 м.,  Арктика кытылынан, Ленскэйгэ, Кэбээйигэ, Эдьигээҥҥэ  15-18 м. түргэннээх тыал, тибии түһэрэ күүтүллэр.

Салгын температурата күнүс -22-27°C, хотугулуу-илин  -38-43°C, хотугулуу-илин хотоол сирдэргэ -43-48°C, арҕаа -15-20°C, соҕуруулуу-арҕаа  -10-15°C кыраадыс тымныы буолуоҕа.