Бүгүн сорох сиринэн +29+34° кыраадыс итийиэҕэ

Бүгүн, от ыйын 7 күнүгэр, өрөспүүбүлүкэ  баһыйар үгүс оройуоннарыгар сөҥүү түһэрэ күүтүллүбэт. Арай Халыма-Индигиир оройуоннарыгар итиэннэ  хотугулуу-арҕаа кыралаан ардыаҕа, күнүс этиҥнээх ардах түһүөҕэ.

Үгүс оройуоннарга сөкүүндэҕэ  9-14 м., этиҥнээх ардах кэмигэр  15-20 м. түргэннээх тыал түһэрэ күүтүллэр.

Салгын температурата  күнүс  +22+27°С, соҕуруулуу-арҕаа, соҕуруу +29+34°С, ардыыр кэмигэр  +17+22°С, хотугулуу-илин, хоту +7+12°С кыраадыс буолуоҕа.