Бүгүн сорох сиринэн +34 кыраадыска диэри итийэрэ күүтүллэр

Бүгүн, бэс ыйын 30 күнүгэр, өрөспүүбүлүкэ соҕуруулуу-илин, соҕуруулуу-арҕаа улуустарыгар сөҥүү түһэрэ күүтүллүбэт. Мантан атын улуустарга быстах ардах, Ленскэйгэ сорох сиринэн этиҥнээх ардах түһэрэ сабаҕаланар.

Этиҥнээх ардах кэмигэр  15-20 миэтэрэ, Арктика оройуоннарыгар 23 миэтэрэ   түргэннээх тыал түһэрэ күүтүллэр.

Температура түүн  +15+20, арҕаа +9+14, хотугулуу-арҕаа  +2+7, күнүс  +29+34, арҕаа +21+26, хоту  +13+18.

Сарсын, от ыйын 1 күнүгэр, соҕуруулуу-илин, илин  салгын  температурата түүн +15+20°С, күнүс +32+37°С буолара күүтүллэр.